|
Un enkuesta di salario (salary survey) ta importante pa garantisá ku bo organisashon no ta ni paga muchu tiki, ni muchu hopi kompará ku otro aktornan riba e merkado laboral. Den kaso ku ta paga muchu tiki, lo ta difísil pa sea reklutá trahadó nobo òf mantená esnan ku bo tin. Den kaso ku ta paga muchu hopi, esaki por tin konsekuenshanan severo pa e situashon finansiero di e organisashon.
|
E enkuesta di salario ta konsistí di e siguiente pasonan:
- identifikashon i deskripshon kòrtiku di funshonan representabel;
- identifikashon di e organisashonnan ku lo partisipá den e enkuesta;
- ehekushon di e enkuesta;
- análisis di datonan i skibimentu di un raport konteniendo e resultadonan i konklushon ku por wòrdu saká.
|
